21 may 2017

Teatro: “A coleccionista de sombras”

Teatro: “A coleccionista de sombras”
Día: 2 de xuño
Hora: 19:30h
Lugar: Museo Manuel Torres
Organiza: Ateneo Santa Cecilia
“A coleccionista de sombras (Farsa en tres actos e dous entreactos)” é a representación teatral que ofrecerá neste ‘Venres do Ateneo’ o Equipo de Dinamización Lingüística do IES Mestre Landín de Marín, dirixido polas profesoras Susana Arizaga e Casilda Basteiro. Será ás 19:30 hora no Salón de Actos da Biblioteca Pública Municipal Vidal Pazos, con entrada libre.
Baseada nunha obra de Antón Cortizas Amado, esta adaptación escolar dirixida a público de todas as idades evoca a historia dunha coleccionista de sombras que de súpeto, perde unha das máis valiosas: a sombra de cor verde. Daquela contará coa axuda de varios personaxes para recuperala; unha peripecia na que se darán situacións cómicas e humorísticas, incluída a intervención do público.
Na coordinación e dirección deste espectáculo colaboraron Susana Arizaga e Casilda Basteiro, dúas docentes do propio IES Mestre Landín cuxa traxectoria está vencellada tamén ao teatro, á literatura e á arte, que consideran “o eixo do empoderamento e da educación emocional do alumnado”.


No hay comentarios:

Publicar un comentario